Huzoor Aap Se Jab Mulaqat Hogi

Bahaaron ki rut ya ke barsaat hogi Suhaana woh din ya haseen raat hogi Huzoor aap ﷺ se jab mulaqaat hogi

No More Screenshots! Save Storage with Our Lyrics App!

Huzoor aap ﷺ se kab mulaqaat hogi?

Woh zar-taar malboos mein shab ka dulha Ke jhilmil sitaaron ki baaraat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?

Girein aabshaarein raseele suron mein Woh gun-gaati nadiyon ki soghaat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?

Chale baad-e-subah liye kaif-e-mastaan Sana-khwaan wo aqsaan nabataat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?

Na rang-o-bu-e-gul, na qumri na bulbul Nazar mein faqat aap ki zaat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?

Parindon ke naghmaat-e-midhat-sarayi Gulon ke labon pe munaajaat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?

Huzoor aap ﷺ ki aamad-e-paak ghar mein Hamaare liye wajah-e-barakaat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?

Sajaaya Khuda ne falak-e-laamakaan tak Main banda hoon kya meri auqaat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi? Na kuch hosh Altafؔ baaqi rahegi Jo maa-il woh chashm-e-inaayaat hogi Huzoor aap ﷺ se jab mulaqaat hogi

Huzoor aap ﷺ se kab mulaqaat hogi?