Nisaan Ki Ghatta Chhai Hai Phir Rehmat e Rab Se

Naisaan ki ghata chhayi hai phir rahmat-e-Rabb se Betab sadaf hasrat-e-gauhar mein thi kab se

Khush zaiqa asmaar, yeh gul-ha-e-haseen rang Kya khoob hain paida kiye yak dana-e-habb se

Elaan-e-nabuwwat se khule band dareechay Har raaz khula sirr-e-nabuwwat khula jab se

More Lyrics, Less Storage - Install the App and Ditch the Screenshots!

Go arsh bhi Allah ki haibat se hai larzaan Karta hai magar pyaar woh makhlooq mein sab se

Besood nahin din ke ujaalon mein bhi rona Dhulti hai siyahi toh fakat girya-e-shab se

Parhte hain woh Quran tera nok-e-sinaan par Darte nahin aashiq tere shamshir ke labb se

Phailaye na phir haath kabhi ghair ke aage Allah se Altaf talluq hua jab se