Naat Sarkar Ki Parhta Hun Main

Naat Sarkar ki parhta hoon main Bas isi baat se ghar mein mere rehmat ho gi Ek tera na vaseela hai mera Ranj-o-gham mein bhi isi naam se rahat ho gi

Yeh suna hai ke bahut gor andheri ho gi Qabr ka khauf na rakhna ae dil Wahan Sarkar ke chehre ki ziyarat ho gi

Kabhi Yaseen kabhi Taha kabhi Wallail aaya Jis ki qasmein mera Rab khata hai Kitni dilkash mere mehboob ki surat ho gi

Never Be Without Your Favorite Lyrics - Get the App for Offline Access!

Hashr ka din bhi ajab dekhne wala ho ga Zulf lehraate woh jab aayenge Phir qayamat pe bhi khud ek qayamat ho gi

Un ko mukhtar banaya hai mere Allah ne Khuld mein bas wahi ja sakta hai Jis ko Hasnain ke baba ki ijazat ho gi

Mera daaman toh gunahon se bhara hai Altaf Ek sahara hai ke main un ka hoon Isi nisbat se sar-e-hashr shafa'at ho gi