Aankhein Hain Meri Tishna e Deedar e Muhammad

Aankhein hain meri tishna-e-deedar-e-Muhammad ﷺ Dhoondein wahi zulf-o-lab-o-rukhsar-e-Muhammad ﷺ

Main hijr ke tapte hue sehra mein khara hoon Dil dhoondta hai saya-e-deewar-e-Muhammad ﷺ

Phir dil ko satati hai Madine ki tamanna Bekal hoon paye koocha-o-bazaar-e-Muhammad ﷺ

Never Be Without Your Favorite Lyrics - Get the App for Offline Access!

Kya meri nigahon mein jache taj-e-Suleman Hai pesh-e-nazar turra-e-dastaar-e-Muhammad ﷺ

Konain mein us mehr-e-risalat ke hain jalwe Har simt ziya-pash hain anwaar-e-Muhammad ﷺ

Saani koi us khalq-e-mujassam ka nahi hai Be-misl zamane mein hai kirdaar-e-Muhammad ﷺ

Hain sharih-e-aayaat, ahadees-e-Nabi ﷺ ki Quran ki tafseer hai guftaar-e-Muhammad ﷺ