Sarkar Yeh Naam Tumhara

Sarkar yeh naam tumhara sab naamon se hai pyara Iss naam se chamka suraj aur chamka chand sitara Hua har su khoob ujala hua roshan aalam sara Mera naam kare ga roshan do jag mein naam tumhara

Jab Rab-e-Qadeer tumhari kare khud hi madh-e-sarai Har ek ke labon par phir tareef tumhari aayi Sad shukr ke zikr tumhara rahe har dam vird hamara Mera naam kare ga roshan do jag mein naam tumhara

Lehron ne meri yeh kashti har janib se hai gheri Sarkar khabar lo meri sarkar khabar lo meri Mile mujh ko aafiyat ka mere Aaqa jald kinara Mera naam kare ga roshan do jag mein naam tumhara

Free Up Space - Get Lyrics Without Bulky Screenshots!

Meri arz khudara sun lo mere haal pe mujh ko na chhoro Zara apni chashm-e-inayat bebas ki taraf bhi moro Be-kas ka tum ho sahara becharon ka tum ho chara Mera naam kare ga roshan do jag mein naam tumhara