Ishq e Ahmed Chahiye

Ishq-e-Ahmad chahiye, hubb-e-Madinah chahiye Jo nahin dekha kare woh chashm-e-beena chahiye

Zindagi aur maut dono unke gham mein hon basar Aisa marna chahiye us tarah jeena chahiye

Barish-e-anwar barsegi musalsal subah tak Zikr-e-noor-e-Mustafa mein ek shabeena chahiye

Find Your Favorite Lyrics Anytime, Anywhere - Install the App Today!

Manzil-e-hubb-e-Ilahi tak pohanchne ke liye Sarwar-e-Konain ki ulfat ka zeena chahiye

Hashr ke sailab mein mehfooz rehne ke liye Aal-e-Ahmad ki mohabbat ka safeena chahiye

Hai teri dargah mein ya Rab tamanna-e-Riaz Dafn hone ke liye khaak-e-Madinah chahiye