Muhammad Mustafa Ke Dar Pe

Muhammad Mustafa ke dar pe jo aaya nahi karte Pareshan haal rehte hain sukoon paaya nahi karte

Andhera ghup nazar aayega un ko apni marqad mein Jo sham-e-hubb-e-Ahmad dil mein le jaya nahi karte

Haqiqat-e-Mustafa ki un pe khul sakti nahi hargiz Dilon ko saaz-e-ulfat se jo garmaya nahi karte

Chale aate hain sail haath phailaye hazuri mein Woh dete hain chale jaate hain uktaya nahi karte

Nahi ka lafz aaya hi nahi lab par kabhi un ke Kisi ko haath khaali dar se lautaya nahi karte

Download Lyrics & Access Offline - Install Our App Now!

Tamanna-e-ziyarat mein jo zakhm-e-hijr hain dil par Hamesha hi hare rehte hain kamlaya nahi karte

Riyaz un ko taraqqi par taraqqi milti rehti hai Jo in'am-e-Khuda paate hain utraya nahi karte