Furqat Ki Nahi Hai

Furqat ki nahin hai Ya Ahmad ab taab tere bimaaron mein Deedar ka jaldi jaam pila hai shor tere mai-khaaron mein

Ho haath mein mere kaasah-e-dil Taibah ki suhani ho manzil Main ban ke bhikari mangta phirun Taibah ke bhare bazaaron mein

Thukraye koi dhutkare koi deewana samajh ke maare koi Sarkar-e-Madinah lijiye khabar hoon aap ke khidmat-gaaron mein

Find Your Favorite Lyrics Anytime, Anywhere - Install the App Today!

Woh noor jo Toor pe chamka tha jise Musa dekh ke ghash mein huye Ab us ki jhalak aati hai nazar tere roze ke minaron mein

Sarkar-e-Do-Alam sall-e-ala woh jalwa aap ke noor ka tha Namrood khara takta hi raha gulzar bana angaron mein

Tareef-e-Nabi ki koi bashar kya likhe Riaz khasta jigar Woh sab nabiyon mein aise hain jyun chand chamakta taaron mein