Pohanchu Agar Main Roza e Anwar

Pahunchun agar main Rauza-e-Anwar ke saamne Sab haal-e-dil bayaan karun Sarwar ke saamne

Jaali pakad ke arz karun haal-e-dil kabhi Aansoo bahaaun main kabhi mimbar ke saamne

Har dam yeh aarzoo hai Madine ke chaand se Bistar faqeer ka ho tere dar ke saamne

Jannat ki aarzoo hai na khwahish hai hoor ki Tukda mile zameen ka tere dar ke saamne

Hai aarzoo-e-dil ke main Hindusta ko chhod Bistar jamaaun Rauza-e-Anwar ke saamne

Shah-e-Madinah Taiba mein mujh ko bula to lein Lootun ga khaak-e-paak pe main dar ke saamne

Taiba bula ke apna sag-e-dar banaiye Baad-e-saba yeh kehna Payambar ke saamne

Yun meri maut ho to hayaat-e-abad mile Khaak-e-Madinah sar pe ho sar dar ke saamne

Nikle jo jaan to dekh ke gumbad Habib ka Madfan bane to Rauza-e-Athar ke saamne

Mangta ki kya shumaar salateen-e-rozgaar Aate hain bheek lene tere dar ke saamne

Dono jahan ko ne'mat-e-konain baantna Kuch baat bhi ho mere tunagar ke saamne

Yun ambiya mein Shah-e-Do-Aalam hain jalwa-gar Jaise ho chaand anjum-o-akhtar ke saamne

Khushboo-e-mushk zulf-e-mu'ambar ke saamne Aisi hai jaise khaak ho gohar ke saamne

Gulzaar-o-baagh-o-gul ki na khwahish rahe tujhe Ae andaleeb mere gul-e-tar ke saamne

Kyun rokte ho khuld se mujh ko malaika Achha chalo to Shafe-e-Mahshar ke saamne

Jaari hai al-atash ki sada har zabaan par Mela laga hai chashma-e-Kausar ke saamne

Dikhla rahe hain sookhi zabaanein Huzoor ko Pyaase khade hain Saqi-e-Kausar ke saamne

Jo koi bhi kare ga shafa'at woh un ke paas Yeh hain Shafee' Dawar-e-Mahshar ke saamne

Inkaar kar na fazl-e-Nabi se to ae shaqi Jaana hai tujh ko Dawar-e-Mahshar ke saamne

Free Up Space - Get Lyrics Without Bulky Screenshots!

Hai Qadri Jameel ki yeh arz-e-aakhiri Ho qabr us ki Rauza-e-Athar ke saamne