Najad Ya Sakht Hi Gandi Hai

Najdiya sakht hi gandi hai tabiyat teri Kufr kiya shirk ka fazla hai najasat teri

Khak munh mein tire kehta hai kise khak ka dher Mit gaya deen mili khak mein izzat teri

Tere nazdeek hua kizb-e-Ilahi mumkin Tujh pe shaitan ki phatkar yeh himmat teri

Balkeh kazzab kiya tune to iqrar-e-wuqoo Uf re napak yahan tak hai khabasat teri

Ilm-e-shaitan ka hua ilm-e-Nabi se zaid Parhun lahaul na kyun dekh ke surat teri

Bazm-e-milad ho kana ke janam se badtar Are andhe are mardood yeh jurrat teri

Ilm-e-ghaibi mein majaneen o bahaim ka shumool Kufr aamez junoon za hai jahalat teri

Yad-e-khar se ho namazon mein khayal un ka bura Uf jahannum ke gadhe uf yeh khurafat teri

Un ki tazeem kare ga na agar waqt-e-namaz Mari jaye gi tere munh pe ibadat teri

Hai kabhi boom ki hillat to kabhi zagh halal Jifa khwari ki kahin jati hai aadat teri

Hans ki chaal to kya aati gayi apni bhi Ijtihadon hi se zahir hai hamaqat teri

Khule lafzon mein kahe Qazi-e-Shaukan madad de Ya Ali sun ke bigar jaye tabiyat teri

Teri atke to wakeelon se kare istimdad Aur tabibon se madad khwah ho illat teri

Hum jo Allah ke pyaron se ianat chahein Shirk ka chirk ugalne lagi millat teri

Abdul Wahab ka beta hua Sheikh-e-Najdi Us ki taqleed se sabit hai zalalat teri

Usi mushrik ki hai tasneef Kitab-ut-Tauheed Jis ke har fiqra pe hai mohar-e-sadaqat teri

Tarjuma is ka hua Taqviyat-ul-Iman naam Jis se be-noor hui chashm-e-baseerat teri

Waqif-e-ghaib ka irshad sunaun jis ne Khol di tujh se bahut pehle haqeeqat teri

Zalzale Najd mein paida hon fitan barpa hon Yaani zahir ho zamana mein shararat teri

Ho usi khak se shaitan ki sangat paida Dekh le aaj hai majood jamaat teri

Sar munde honge to pajame ghutne honge Sar se pa tak hai yehi poori shabahat teri

Idda'a hoga hadison pe amal karne ka Naam rakhti hai yehi apna jamaat teri

Un ke aamal pe rashk aaye musalmanon ko Is se to shad hui hogi tabiyat teri

Lekin utre ga na Quran galon se neeche Abhi ghabra nahin baqi hai hikayat teri

Niklen ge deen se yun jaise nishana se teer Aaj is teer ki nakhcheer hai sangat teri

Apni halat ko hadison se mutabiq kar le Aap khul jaye gi phir tujh pe khabasat teri

Chhor kar zikr tera ab hai khitab apnon se Ke hai mabghoz mujhe dil se hikayat teri

Mere pyare mere apne mere Sunni bhai Aaj karni hai mujhe tujh se shikayat teri

Tujh se jo kehta hun to dil se sun insaf bhi kar Kare Allah ki taufiq himayat teri

Gar tire baap ko gali de koi be-tehzeeb Gussa aaye abhi kuch aur ho halat teri

Galiyan dein unhein shaitan-e-la'een ke pairo Jin ke sadqa mein hai har daulat o nemat teri

Jo tujhe pyar karen jo tujhe apna farmayen Jin ke dil ko kare be-chain aziyat teri

Jo tire waste takleefein uthayen kya kya Apne aaram se pyari jinhein rahat teri

Jaag kar ratein ibadat mein jinhon ne kaatein Kis liye is liye kat jaye musibat teri

Hashr ka din nahin jis roz kisi ka koi Is qayamat mein jo farmayen shafa'at teri

Un ke dushman se tujhe rabt rahe mel rahe Sharm Allah se kar kya hui ghairat teri

Never Be Without Your Favorite Lyrics - Get the App for Offline Access!

Tu ne kya baap ko samjha hai zyada un se Josh mein aayi jo is darja hararat teri

Un ke dushman ko agar tu ne na samjha dushman Woh qayamat mein karen ge na rafaqat teri

Un ke dushman ka jo dushman nahin sach kehta hun Da'wa be-asl hai jhooti hai mohabbat teri

Balkeh iman ki pooche to hai iman yehi Un se ishq un ke adu se ho adawat teri

Ahlesunnat ka amal teri ghazal par ho Hasan Jab mein janun ke thikane lagi mehnat teri