Naat Ki Rut Main Sharaboor Fiza Lagti Hai

Naat ki rut mein sharabor fiza lagti hai Khoob barsegi, Madine ki ghata lagti hai

Hai mujhe shaam dhale aap ﷺ ke dar ki khwahish Qabr ki raat shab-e-bazm-e-sana lagti hai

Rooh farsa hai bohat makr-o-faraib-e-dunya Ragbat-e-nafs mujhe ek saza lagti hai

Free Up Space - Get Lyrics Without Bulky Screenshots!

Is se aankhon mein umad aate hain sawan bhado Yaad-e-isiyan mujhe pacham ki hawa lagti hai

Yeh nahi gham ki nami, hai yeh tamanna ka gudaz Chashm-e-namnaak mein larzon jo dua lagti hai

Is pe qurban, yeh hai un ﷺ ki tamanna ka farogh Yeh tamanna mujhe rehmat ki rida lagti hai

Sar mera rehta hai dehleez-e-Payambar ﷺ pe jhuka Soch bhi subah-e-Madinah ki ziya lagti hai

Yaad karti hain bohat aap ﷺ ko aankhen Aaqa ﷺ Yeh chiraghan mujhe taqreeb-e-liqa lagti hai

Main hoon aur deed ki lazzat ka sehar hai Aaqa ﷺ Yaad-e-nazzara bohat deed-numa lagti hai

Aap ﷺ ki yaad mein betab hai dil bhi mera Is ki dhadkan meri aahon ki sada lagti hai

Yaad jab phailne lagti hai ragon mein meri Chandni mere badan ki yeh qaba lagti hai

Hijr hai yaad-e-Khuda, hubb-e-Nabi ﷺ ki barkha Jab barasti hai to tasleem-o-raza lagti hai

Mehfil-e-zikr bapa rehti hai seene mein Azeezؔ Har ghadi dil ki zaban mehv-e-dua lagti hai