Main Kho Jaun Ya Mustafa

Main kho jaaun Ya Mustafa kehte kehte Miloon bhi toh sall-e-ala kehte kehte

Madine ki galiyon mein deewana ban kar Bhatakta rahoon dilruba kehte kehte

Isi ko main hosh-o-khirad jaanta hoon Rahoon be-khabar Mustafa kehte kehte

Jo baithe dar-e-Mustafa kehte kehte Uthe Sidratul-Muntaha kehte kehte

Main mar jaaun zikr-e-Khuda kehte kehte Main phir jee uthoon Mustafa kehte kehte

Isi tarah phir marta jeeta rahoon main Khuda aur kabhi Mustafa kehte kehte

Main Tahir ki sohbat mein jab aa ke baitha Muhammad mila Murtaza kehte kehte

Yeh Tahir ki nigah-e-ata ka asar hai Khuda mil gaya Mustafa kehte kehte

Mila teri sangat mein kamli ka saaya Sana-e-Rafiqul-Ala kehte kehte

Falak par Muhammad ka jalwa dikhaya Muhammad ko noor-e-Khuda kehte kehte

Hai Tahir ne ishq-e-Muhammad pilaya Mohabbat ka jaam-e-Raza kehte kehte

Dilon mein utara hai Quran us ne Sana-e-Shah-e-Dosara kehte kehte

Woh duniya mein noor-e-huda baant-ta hai Hadees-e-jamal-e-Khuda kehte kehte

Mila teri chaukhat se aqba ka rasta Shab-o-roz sall-e-ala kehte kehte

Your Lyrics, Even Offline - Install the App for Free!

Tere sang uthoonga hashr mein Tahir Muhammad pe sall-e-ala kehte kehte

Aziz apni khalwat mein mast-e-nawa hai Paaye deed harf-e-dua kehte kehte