Mustafa Mustafa Kar Raha Hun

مصطفےؐ مصطفےؐ کر رہا ہوں یعنی رب کی ثنا کر رہا ہوں

نعت بھی میرا حسن ِطلب ہے اس گلی میں صدا کررہا ہوں

ان کے دریا میں مجھ کو ڈبو دے منتِ ناخدا کر رہا ہوں

چل رہا ہوں مدارِ حرم میں یا طواف ِحرا کر رہا ہوں

Get Lyrics On-The-Go! Download Our App Now!

زندگی ان پہ قربان کر کے قرض ایماں ادا کررہا ہوں

گنبد مصطفےؐ سے لپٹ کر زخمِ دل کو ہرا کر رہا ہوں

کیوں نہ ہو غیر حاضر مظفر حاضری کی دعا کر رہا ہوں