Mujh Ko Toh Apni Jan Se Bhu Pyara Hai Unka Naam

مجھ کو تو اپنی جاں سے بھی پیارا ہے اُن کا نام شب ہے اگر حیات ، ستارا ہے اُن کا نام

Never Be Without Your Favorite Lyrics - Get the App for Offline Access!

تنہائی کس طرح مجھے محصور کر سکے جب میرے دل میں انجمن آرا ہے اُن کا نام

ہر شخص کے دکھوں کا مداوا ہے اُن کی ذات سب پاشکستگاں کا سہارا ہے اُن کا نام

بے یاروں ، بے کسوں کا اثاثہ ہے اُن کی یاد بے چارگان دہر کا چارا ہے اُن کا نام

لب وَا رَہیں تو اسمِ محمد ادا نہ ہو اظہار مدعا کا اشارا ہے اُن کا نام

لفظِ محمدؐ اصل میں ہے نطق کا جمال لحنِ خدا نے خود ہی سنوارا ہے ان کا نام

ؔقرآن پاک اُن پہ اتارا گیا ندیم اور میں نے اپنے دل میں اُتارا ہے اُن کا نام