Muhammad Hain Samandar

محمدؐ ہیں سمندر تشنگی نعت بہت سیراب مجھ کو کر گئی نعت

ہر اک شے کا حوالہ مصطفؐےٰ ہیں زمیں بھی نعت ہے افلاک بھی نعت

پڑھو قرآن تو معلوم ہوگا کہی اللہ نے کتنی بڑی نعت

اگر ہر اک عمل ہو حسب قرآں تو بن جاتی ہے پوری زندگی نعت

No Internet? No Problem! Get the App for Offline Lyrics!

مرا دیباچہء عشق و محبت خدا کی حمد یا سرکار کی نعت

نمازِ با جماعت ہو رہی ہے امام اُن کا تصور مقتدی نعت

پڑھیں آقاؐ کی محفل میں فرشتے مظفر جب بھی لکھتا ہے نئی نعت