Momino Hai Rehmat e Haq

Mominon hai rehmat-e-Haq ka wurud Ba-adab tum kyun nahin parhte durood

Hai malaik ka yahan par izdiham Dast-e-basta kyun nahin parhte salam

Ba-adab hai banasib aye ahl-e-deen Be-adab se badnasibi hai qareen

Mujdah layi hai saba kis phool ka Jis ne aalam ko mu'attar kar diya

Aaj Ka'aba kis liye hai shadman Band hai aatish-kadon ka kyun dhuwan

But-kadon mein kis liye kehram hai Kufr ka kyun tukre tukre daam hai

Do jahan mein kis ka lutf-e-aam hai Bat raha Islam ka in'aam hai

Saf ba-saf hain kyun farishte ba-adab Shor kaisa hai Ajam se ta-Arab

No More Screenshots! Save Storage with Our Lyrics App!

Jannatein aarasta hain kis liye Shad sab shah-o-gada hain kis liye

Kaun sa mah-e-munawwar aayega Chandna phaila hai jis ke noor ka

Zalzala kyun qasr-e-Kisra mein para Kis ki aamad ka hai aisa dabdaba

Kyun kahanat par tabahi aa gayi Kaun se sultan ki hai jalwa-gari

Jab tahayyur ahl-e-hairat ko barha Hatif-e-ghaibi ne yun mujdah diya

Aamad aamad Sarwar-e-Aalam ki hai Aamad aamad Rehmat-e-A'azam ki hai

Aane wala Malik-e-Darain hai Jis ke ba'is khilqat-e-Konain hai

Ho raha hai aaj Ka'abe ka singhar Aur shayatin ro rahe hain zar-zar

Koi kehta hai ke aye ahl-e-jahan Naib-e-Rehman aata hai yahan

Koi kehta hai ke aayenge yahan Woh Nabi-ul-Anbiya ba-izz-o-shan

Jin ki aamad ki khabar Isa ne di Zikr farmate rahe jin ka Nabi

Naib-e-Haq badshah-e-do-jahan Jaan-e-imaan-o-makin-e-lamakan

Hai Nabi-ul-Anbiya un ka laqab Khatam-e-Paighambaran fakhr-e-Arab

Shafi'-e-mahshar unhi ka naam hai Deen-o-dunya mein unhi se kaam hai

Dar par un ke mangte hain tajdar Dono aalam ke yehi hain shahryar

Zarra-zarra ka hai un ko ikhtiyar Baant-te hain ne'matein lail-o-nahar

Sunte hain ye hi gharibon ki pukar Saare aalam ke yehi hain ghamgusar

Karte hain faryad un se janwar Bikeson ki ye hi lete hain khabar

Sar par un ke dono aalam ka hai taj Un ko dete hain shahan-e-dahar baaj

Mazhar-e-ilm-e-Khuda ummi laqab Mukhbir-e-Sadiq shahanshah-e-Arab

Un ki izzat kaun jaane juz Khuda Khud woh farmata hai law laka lama

Sang un ke paaye aqdas dekh kar Khenchte hain un ka naqsha qalb par

Kyun na ho hai Arsh ki izzat qadam Kyun na ho hai farsh ki zeenat qadam

Khak-e-pa iksir ka bharti hai dam Khata hai Quran bhi jis ki qasam

Jholiyan daale faqir-o-be-nawa Hath phailaye hue shah-o-gada

Kar rahe hain arz ba-zauq-o-tarab Aye mere mahr-e-Ajam mah-e-Arab

Gah dar dil-e-saaz-o-gah dar dideh ja Har do jaay-e-tust ya Badrud-Duja

Roo-siyah-o-bekas-o-khati manam Chashm-e-rehmat barkusha aasi manam

Man nayam munkir khatawar-e-tu am Bandah-e-ruswa-o-nakar-e-tu am

Karwan raft-o-pareshanam base Rahm kun ya Shah bar man be-kase

Dastgir-e-ma siyah-karan tui Aye shifa-e-dard-e-bimaran tui

Lo woh utha abr-e-rehmat jhoomta Rehmat-e-Aalam ki chaukhat choomta

Qaht-e-sali khak mein mil jayegi Dil ki aalam ke kali khil jayegi

Hai sawari aane wali anqarib Aane wale hain yahan Rab ke Habib

Shah-e-shahan aane wale hain yahan Yun sajaye jaate hain kaun-o-makan

Sab malak hain istada ba-adab Jalwa farmayenge ab Mahboob-e-Rab

Suniyo tum bhi bahut ta'zeem se Jholiyan phailaye ho jao khare

Aur kaho aye Shah-e-shahan assalam Mere Aaqa jaan-e-janan assalam

Aye Shafi'-e-roz-e-mahshar assalam Saqi-e-Tasnim-o-Kauthar assalam

Ahmad-o-Mahmood nami assalam Ummat-e-aasi ke hami assalam

Aye mere Me'raj wale assalam Rif'at-e-deen taj wale assalam

Arsh ki aankhon ke taare assalam Dono aalam ke sahare assalam

Ummati farmane wale assalam Pesh-e-Rab bakhshane wale assalam

Lambe lambe hathon wale assalam Pyari pyari zulfon wale assalam

Mere wali mere Maula assalam Mere waris mere Aaqa assalam

Sarwar-e-Aalam Muhammad zi-waqar Hon duroodein tum pe nazil be-shumar

Aye Khuda kar mujh ko abd-e-Mustafa Tab yaqin janon ke hon bandah tera

Aal-o-Ashab-e-Nabi ka rakh ghulam Aur na chhoote daman-e-Ghaus-e-Anam

Qadri mai se mujhe sarshar kar Mast be-khud be-khabar hoshiyar kar

Hain mashayikh silsile mein jis qadar Main na bhoolun yaad un ki umr bhar

Da'iman barakat ke barakat se Mujh ko hissa har jagah milta rahe

Mujh pe achhe ki rahe achhi nazar Noor-e-irfan se ho dil rashk-e-qamar

Mere murshid Hazrat-e-Ahmad Raza Kar de mujh ko zaat mein un ki fana

Un ke faiz-o-lutf se masroor rakh Qadri Razvi mujhe mashhoor rakh

Dost un ka hashr tak phoole phale Dushmanon par qahr ki bijli gire

Un ki sab aulad aur khuddam ka Ya-Khuda kar dono aalam mein bhala

Izzat-o-aish-o-ulum-o-fazl de Hashr tak yeh silsila jaari rahe

Ho Jameel-e-Qadri ki har du'a Ya-Khuda maqbool bahar-e-Mustafa