Meri Pehchan Hai Seerat Unki

میری پہچان ہے سیرت اُن کی میرا ایمان محبت اُن کی

دیکھ کر غارِ حرا سوچتا ہوں کتنی بھرپور تھی خلوت اُن کی

پتھروں میں بھی لہو دوڑ گیا اس قدر عام تھی رحمت اُن کی

آج ہم فلسفہ کہتے ہیں جسے وہ مساوات تھی عادت اُن کی

فتح مکہ میرے دعوے کی دلیل عدل کی جان عدالت اُن کی

ارتقا اس سے اجازت مانگے اُن کی ہو جاۓ جو اُمت اُن کی

میں کہ راضی به رضائے رب ہوں کوئی حسرت ہے تو حسرت ان کی

No More Screenshots! Save Storage with Our Lyrics App!

وقت اور فاصله برحق لیکن میرا فن کرتا ہے بعیت اُن کی

میرا معیار غزل خوانی ہے حرف ساده میں بلاغت ان کی

نعت میری ہے ، اشارہ اُن کا پھول میرے ہیں تو نگہت ان کی

میں کہ ہر حال میں ہوں شکر یہ طب کوئی حاجت ہے تو حاجت ان کی

کبریائی پر کروں غور ، ندیم اور تکتا رہوں صورت ان کی