Meri Murad Aap Ki Jab Zaat Hogayi

میری مراد آپ کی جب ذات ہوگئی مجھ پر خطا پہ نور کی برسات ہوگئی

وہ جو نہ تھے خود سے کوئی آشنا نہ تھا وہ آ گۓ تو خود سے ملاقات ہوگئی

نکلی جو بات میرے نبی کی زبان سے قرآن کا خلاصہ وہی بات ہو گئی

شاہوں کو رشک آیا ہےاس کے نصیب پر جس کو نصیب آپ کی خیرات ہوگئی

اتنا بلند حق نے کیا ان کے ذکر کو اس ذکر کی بلندی مناجات ہوگئی

سوچا تھا اُن کو جا کےسنائیں گے دردِ دل دیکھا تو محو ذہن سے ہر بات ہو گئی

خالدؔ مرے حضور جہاں مسکرا دیۓ ظلمت کدے میں نور کی برسات ہوگئی