Do Aalam Ke Aqa Salaam Alaikum

دوعالم کے آقا سلامٌ علیکم نوید مسیحا سلامٌ علیکم

ترےنورسے ہےہراک حسن پیدا ترےحسن پرخود خدا بھی ہے شیدا تری ذات اقدس میں کونین ہیں گم دوعالم کے آقا سلامٌ علیکم

تری نکہت زُلف کا نام جنت نگاہیں کرم ہیں ادائیں سخاوت سکھایا ہے تونے گلوں کو تبسم دوعالم کے آقا سلامٌ علیکم

گرے تو تمہارے کرم نے سنبھالا تمہاری عطا نے دو عالم کو پالا خدائی کا مطلوب و مقصود ہوتم دوعالم کے آقا سلامٌ علیکم

ترا آستاں آرزوؤں کا حاصل تری ذات امن و عالم کی منزل ہے تیرے سفینے کا خادم تلاطم دوعالم کے آقا سلامٌ علیکم

خدا کی مشیت ترا ہراشارا زیارت ہےتری خداکانظارا کلام خدا ترا حسن تکلم دوعالم کے آقا سلام ٌعلیکم

ترے نور اول کی جلوہ نمائی صفاتِ خدا اور ساری خدائی دوعالم پہ ثابت ہے تیرا تقدیم دوعالم کے آقا سلامٌ علیکم

تمہیں تو ہو خالد کا دین اورایماں تمہیں تو ہو اللہ کا خاص احساں تمہیں روحِ نغمات کیف ترنم دوعالم کے آقا سلامٌ علیکم