Mere Tum Khawab Main Aao

Mere tum khwab mein aao mere ghar roshni hogi Meri qismat jaga jao Inayat yeh bari hogi Madinah mujhe aana gham-e-firqat mitana hai Kab Aqa-e-Madinah ﷺ dar-peh meri haazri hogi Shahenshah-e-Madinah ﷺ do tarpanay ka qareena do Woh aankh Aqa ﷺ inaayat ho ke jo ashkon bhari hogi Mujhe gar deed ho jaaye to meri Eid ho jaaye Tera deedar jab hoga mujhe hasil khushi hogi Tarap kar gham ke maro tum pukaro Ya Rasul Allah ﷺ Tumhari har musaibat dekhna dam mein tali hogi Sar-e-Mahshar woh jis dam julooh-e-zeeba dikhayenge To har soo marhaba Ya Mustafa ki dhom machi hogi Mujhe jalwah dikha dena mujhe kalma parha dena Ajal jis waqt sar par ya Nabi ﷺ mere khari hogi Mere murqad mein jab Attarؔ wo tashreef layenge Labon pe naat-e-Shah Anbiya ﷺ us dam saji hogi

Get Lyrics On-The-Go! Download Our App Now!