Gunahon Se Mujh Ko Bacha Ya Ilahi

Gunahon se mujh ko bacha ya Ilahi Buri aadatein bhi chura ya Ilahi

Khataon ko meri mita ya Ilahi Mujhe nek khaslat bana ya Ilahi

Tujhe wasta saare nabiyon ka Maula Meri bakhsh de har khata ya Ilahi

Main ishq-e-Nabi ﷺ mein rahoon gum hamesha Tu deewana aisa bana ya Ilahi

Dikha har baras tu Haram ki fizaen Tu Makkah Madinah dikha ya Ilahi

Jo rote hain hijr-e-Madinah mein un ko Madine ki galiyan dikha ya Ilahi

Mujhe sunniyat par tu de istiqamat Pey Shah-e-Ahmad Raza ya Ilahi

Tu angrezi fashion se har dam bacha kar Mujhe sunnaton pe chala ya Ilahi

Sada peer-o-murshid rahein mujh se raazi Kabhi bhi na hon yeh khafa ya Ilahi

Bana de mujhe ek dar ka bana de Main har dam rahoon bawafa ya Ilahi

Mujhe maal-o-daulat ki aafat ne ghera Bacha ya Ilahi bacha ya Ilahi

Download Lyrics & Access Offline - Install Our App Now!

Na de jah-o-hashmat, na daulat ki kasrat Gada-e-Madinah bana ya Ilahi

Yeh dil gor-e-teera se ghabra raha hai Pey Mustafa ﷺ jagmaga ya Ilahi

Attar ko chashm-e-nam de ke har dam Madine ke gham mein rula ya Ilahi