Mere Aaqa Madine Main Bula Lo

سجا کر اپنی پلکوں پر ستارے تمہاری ہجرکے لمحے گذارے نہیں اب ضبط کی طاقت سنبھالو مرے آقا مدینے میں بلا لو

یہ مانا بےعمل ہوں پر خطا ہوں تمہارےدرکا لیکن میں گدا ہوں مجھے بھی اپنے دامن می چھپا لو مرے آقا مدینے میں بلا لو

مرے ساقی کرم کی اک نظر ہو مقدر کا ستارا اوج پر ہو سہارا دے کےپستی سے نکالو مرے آقا مدینے میں بلا لو

تمہارا در تو ہے دربارِ عالی رہے کیوں دور پھر درکا سوالی یہ کہہ دینا مدینے میں بلا لو مرے آقا مدینے میں بلا لو

Stop Wasting Storage - Download Lyrics in Lightweight Text Format!

کرم کر دو شہنشاہ مدینہ بھنور میں ڈوبنے کو ہے سفینہ مجھے طوفان کی زد سے بچالو مرے آقا مدینے میں بلا لو

مرے دل کی طرف کب دیکھتے ہیں حقارت سے مجھے سب دیکھتے ہیں مجھے بھی اپنے سینے سے لگا لو مرے آقا مدینے میں بلا لو

اندھیروں میں زمانے کے گھرا ہوں بہت دن سے گرفتار بلا ہوں میں گرتا ہوں خدارا اب سنبھالو مرے آقا مدینے میں بلا لو

تمہاری یاد سے آباد ہے دل ہزاروں رنج میں بھی شاد ہے دل مجھے جاروب کش اپنا بنا لو مرے آقا مدینے میں بلا لو

وہیں اب مرنا جینا چاہتا ہوں شرابِ عشق پینا چاہتا ہوں مدینے میں ہی خالدؔ کوبسا لو مرے آقا مدینے میں بلا لو