Marhaba Izat o Kamal Huzoor

Marhaba izzat-o-kamal-e-Huzoor Hai jalal-e-Khuda jalal-e-Huzoor

Un ki qadmon ki yaad mein mariye Kijiye dil ko paimal-e-Huzoor

Dasht-e-Aiman hai seenah-e-momin Dil mein hai jalwah-e-khayal-e-Huzoor

Aafreenish ko naaz hai jis par Hai woh andaaz-e-bemisal-e-Huzoor

Maah ki jaan mehr ka imaan Jalwah-e-husn-e-bezawal-e-Huzoor

Husn-e-Yousuf kare Zuleikhai Khwab mein dekh kar jamal-e-Huzoor

Waqf-e-injaah-e-maqsad-e-khuddam Har shab-o-roz-o-maah-o-saal-e-Huzoor

Sikka raaij hai hukm jaari hai Donon aalam mein hain mulk-o-maal-e-Huzoor

Stop Wasting Storage - Download Lyrics in Lightweight Text Format!

Taab-e-deedar ho kise jo na ho Pardah-e-ghaib mein jamal-e-Huzoor

Jo na aayi nazar na aaye nazar Har nazar mein hai woh misal-e-Huzoor

Unhein nuqsan de nahin sakta Dushman apna hai bad-sigaal-e-Huzoor

Haal se kashf-e-raaz-e-qaal na ho Qaal se kya ayaan ho haal-e-Huzoor

Durratut-taj farq-e-shahi hai Zarrah-e-shaukat nial-e-Huzoor

Manzil-e-rushd ke nujoom as-haab Kashti-e-khair-o-amn aal-e-Huzoor

Hai miss-e-qalb ke liye ikseer Ae Hasanؔ khaak-e-paimal-e-Huzoor