Main Ke Be Wuqat w Be Maya Hun

Main keh be-waqt o be-maya hoon Teri mehfil mein chala aaya hoon

Aaj hoon main teri dehleez nasheen Aaj main arsh ka hum-paya hoon

Kainaaton pe main tere dam se Aasmanon ki tarah chhaya hoon

Instant Access to Thousands of Lyrics - Tap to Install!

Chand pal yun teri qurbat mein kate Jaise ik umr guzaar aaya hoon

Tera paikar hai keh ik halat-e-noor Jaliyon se tujhe dekh aaya hoon

Kitni pyari hai tere shehar ki dhoop Khud ko akseer bana laya hoon

Yeh kahin khami-e-imaan hi na ho Main Madine se palat aaya hoon