Qatra Maange Jo Koi
Ahmed Nadeem Qasmi
Qatra maange jo koi, toh usey darya de de Mujhe kuch aur na de apni tamanna de de
Main toh tujh se faqat ik naqsh-e-kaf-e-pa chaahun Tu jo chaahey toh, mujhe jannat-e-mawa de de
Woh jo aasoodgi chaahein, unhein aasooda kar Be-qarari ki lataafat mujhe tanha de de
Main is aizaaz ke laaiq toh nahi hoon lekin Mujh ko hamsayegi-e-Gumbad-e-Khazra de de
Yun toh jab chaahun main tera rukh-e-zeba dekhun Arz yeh hai ke mujhe izn-e-tamasha de de
Woh bhi dekhein pas-e-har harf teri jalwa-gari Sab ko toh meri tarah deeda-e-beena de de
Gham toh is daur ki taqdeer mein likhey hain magar Mujh ko har gham se nimat lene ka yaara de de
Tab samaitoon main tere abr-e-karam ke moti Mere daaman ko jo tu wusat-e-sehra de de
Teri rehmat ka yeh aizaaz nahi toh kya hai Qadam uthein toh zamaana mujhe rasta de de
No More Screenshots! Save Storage with Our Lyrics App!
Jab bhi thak jaaye mohabbat ki musafat mein Nadeem Tab tera husn barhey aur sambhaala de de
© 2026 Midhah Lyrics. All rights reserved