Kitna Sada Bhi Hai Sacha Bhi Hai Mayar Unka

Kitna saada bhi hai saccha bhi hai mayaar un ka Un ki guftaar ka aaina hai kirdar un ka

Why Screenshot When You Can Download? Get the App for Efficient Storage!

Un ko maanga jo Khuda se to sabhi kuch maanga Kyun talabgaar ho auron ka talabgaar un ka

Un ke paikar mein mohabbat ko mili hai tajseem Pyaar karta hai har insaan se, parastaar un ka

Wohi, zulmaat ki rag rag mein utarta hua noor Main to kar leta hoon har subah ko deedar un ka

Aye Khuda! Ajr ke elaan se pehle sun le Mujh ko jannat se siwa saaya-e-deewar un ka

Pas har harf wohi jalwa-fagan rehte hain Meri maanind mera fan bhi wafadaar un ka