Dil Mein Utarte Harf Se Mujhko Mila Pata Tera

Dil mein utarte harf se mujh ko mila pata tera Mo'jiza-e-husn-e-saut ka, zamzama-e-sada tera

Mera kamal-e-fan, tere husn-e-kalam ka ghulam Baat thi jaan fiza teri, lehja tha dil ruba tera

Jaan teri sarbar-e-jamal, dil tera aaina misaal Tujh ko tere adu ne bhi dekha to ho gaya tera

Aye mere shah-e-sharq-o-gharb, naan-e-javeen ghiza teri Aye mere boriya nasheen, sara jahan gada tera

Sang zanon mein ghir ke bhi tu ne unhein dua hi di Dasht-e-bala se barha, guzra hai qafila tera

Koi nahi teri nazeer, roz-e-azal se aaj tak Ta ba abad nahi maseel, koi tere siva, tera

Yun to, teri rasaiyan farsh se arsh tak muheet Main ne to apne dil mein bhi paya hai naqsh-e-pa tera

Mera to kainat mein tere siva koi nahi Arz teri, sama tere, bande tere, Khuda tera

Download Lyrics & Access Offline - Install Our App Now!

Aate hue dinon se bhi mujh ko koi khatar nahi Mazi-o-haal mein bhi jab poora hua kaha tera

Door sahi dayar-e-noor, chor hi mera shaoor Tu mera hosla to dekh, main bhi hoon mubtala tera