Mah e Taiba Neer e Batha

Mah-e-Taybah nayyar-e-bat-ha sallallahu alayka wa sallam Tere dam se aalam chamka sallallahu alayka wa sallam

Tu hai mazhar-e-Rabb-e-ajmal zil hain tere saare mursal Kaun hai hum sar tera shaha sallallahu alayka wa sallam

Tum ho pyare asl hamari saara jahan hai far'e tumhari Tum sab ki mahiyat goya sallallahu alayka wa sallam

Tum ho aqa marif-e-haq ke jalwe ho noor-e-mutlaq ke Tum ho hujjat-e-Rabb bar a'ada sallallahu alayka wa sallam

Tu hai naib-e-Rabb-e-Akbar pyare har dam tere dar par Ahl-e-hajat ka hai mela sallallahu alayka wa sallam

Haq ne banaya aisa tunagar Akbar o awsat o asghar o sarwar Tere dar par hazir jumla sallallahu alayka wa sallam

Find Your Favorite Lyrics Anytime, Anywhere - Install the App Today!

Har shay mein hai tera jalwa tujh se roshan deen o duniya Banta tu ne noor ka baara sallallahu alayka wa sallam

Imaan teri azmat o ulfat aur tasdeeq o jazm-e-nisbat Momin woh jis ne paya sallallahu alayka wa sallam

Be shuba hai zain-e-ta'at haq yeh ke hai ain-e-ibadat Haq ke pyare tasawwur tera sallallahu alayka wa sallam

Teri ziya se aalam chamka SubhanAllah MashaAllah Jalwa-e-haq hai jalwa tera sallallahu alayka wa sallam

Noor-e-mujassam tere dam se Noori sadqe roz hain paate Mehar o mah o anjam aara sallallahu alayka wa sallam

Tu chahe woh jo Rabb chahe Rabb chahe woh jo tu chahe Chaha tera Rabb ka chaha sallallahu alayka wa sallam

Jitne salateen pehle aaye sikke un ke hogaye khote Jari rahega sikka tera sallallahu alayka wa sallam

Taj-e-sultan ban kar chamka tere naqsh-e-pa ka jalwa Tu hai noor-e-zaat-e-Maula sallallahu alayka wa sallam

Tere ghar ka bacha bacha saara gharana Syed-e-wala Noori moorat noor ka putla sallallahu alayka wa sallam

Ki hai abr-e-gham ne charhai mah-e-Taybah teri duhai Badr-e-duja ho jalwa farma sallallahu alayka wa sallam

Gham ki kaali ghatayen chhayen ranj o alam ki balayen chhayen Shams-e-zuha ho jalwa farma sallallahu alayka wa sallam

Khaar-e-gham kaisa chubhta hai kaisi khalish hai dil dukhta hai Pyare dil se nikalo kanta sallallahu alayka wa sallam

Rafe' tum ho dafe' tum ho nafe' tum ho shafe' tum ho Ranj o gham ka phir kya khatka sallallahu alayka wa sallam

Main hoon be-bas tu hi bas hai main hoon be-kas tu hi kas hai Kas le kamar aur bahar-e-madad aa sallallahu alayka wa sallam

Sar par badal kaale kaale dood-e-isyan ke hain chhale Dam ghut-ta hai mere Maula sallallahu alayka wa sallam

Main hoon tanha ban hai sona duzd-e-imaan sar par pahuncha Meri khabar le mere Maula sallallahu alayka wa sallam

Haal hamara jaisa zaboon hai aur woh kaisa aur woh kyun hai Sab hai tum par roshan shaha sallallahu alayka wa sallam

Har zarra par teri nazar hai har qatra ki tujh ko khabar hai Ho ilm-e-ladunni ke tum dana sallallahu alayka wa sallam

Aib se tum ko paak kiya hai ghaib ka tum ko ilm diya hai Aur khud haq bhi tum se chhupa kya sallallahu alayka wa sallam

Tu mere imaan ko jala de jaan-e-Masih-a dil ko jala de Murda hai dil mera Aqa sallallahu alayka wa sallam

Had se barh gaye isyan mere tu dho de aab-e-rehmat se Bahr-e-rehmat josh pe aa ja sallallahu alayka wa sallam

Kaisi zabanen sookh gayi hain pyas se bahar aayi hui hain Abr-e-karam dede ik chheenta sallallahu alayka wa sallam

Mehar-e-mahshar sar par sarwar phoonke de hai hum ko yaksar Mehar se kar gesu ka saya sallallahu alayka wa sallam

Munh tak mere paseena pahuncha dooba dooba dooba dooba Daman mein le lijiye Aqa sallallahu alayka wa sallam

Adam se ta Hazrat-e-Isa sab ki khidmat mein ho aaya Nafsi nafsi sab ne hi farmaya sallallahu alayka wa sallam

Mere Aqa mere Maula aap se sun kar inni laha Dam mein hai dam mere aaya sallallahu alayka wa sallam

Roshan hogaya us se sarwar pesh-e-dawar shafe-e-mahshar Mere Maula tum ho tanha sallallahu alayka wa sallam

Waqt-e-wiladat tum nahin bhoole waqt-e-rihlat yaad hi rakhe Apne bande tum ne shaha sallallahu alayka wa sallam

Aao aao meri khabar ko waroon tum par qalb o jigar ko Main bhi hoon tumhara banda sallallahu alayka wa sallam

Meri aankhon mere sar par mere dil par mere jigar par Pay-e-aqdas rakh do shaha sallallahu alayka wa sallam

Tere naqsh-e-qadam ne sarwar patthar mom banaye yaksar Mom bana dil-e-sangin mera sallallahu alayka wa sallam

Aap ka jalwa har juz o kul mein aap ke rang o boo har gul mein Aap ki boo se aalam mehka sallallahu alayka wa sallam

Kaun gaya hai arsh-e-ala tak kis ki rasai zaat-e-Khuda tak Tum ne paya aala paya sallallahu alayka wa sallam

Tum ho awwal tum ho aakhir tum ho batin tum ho zahir Haq ne bakhshe hain yeh asma sallallahu alayka wa sallam

Baraka sharrafa majjada karrama nawwara qalbaka asra allama Rabb ne tum ko kya kya bakhsha sallallahu alayka wa sallam

Sahib-e-daulat tum hi to ho qasim-e-ni'mat tum hi to ho Tum ho saare jag ke data sallallahu alayka wa sallam

Anta-r-Raafi' anta-n-Naafi' anta-d-Daafi' anta-sh-Shaafi' Ishfa' inda-r-Rabbi-l-a'la sallallahu alayka wa sallam

Anta-l-awwal anta-l-aakhir anta-l-batin anta-z-zahir Anta sami-ul-Maula ta'ala sallallahu alayka wa sallam

Man li nasir mali wali ghayruka mali fanzur hali Wasma' qali ya Mawlaya sallallahu alayka wa sallam

Anta-l-qasim Rabbuka mu'ti tum hi ne sab ko ni'mat di De do mujh ko mera hissa sallallahu alayka wa sallam

Anta shafee'i anta wakeeli anta habeebi anta tabeebi Anta kafeeli ya Mawlana sallallahu alayka wa sallam

Hazir-e-dar hai Noori muztar aap ka yeh moroosi sana gar Ibn-e-Raza hai khwahan Raza ka sallallahu alayka wa sallam