Mah e Taban Tu Hua

Mah-e-taban tu huwa Mehr-e-Ajam Mah-e-Arab Hain sitaray Anbiya Mehr-e-Ajam Mah-e-Arab

Hain sifaat-e-Haq ke noori aaine saare Nabi Zaat-e-Haq ka aaina Mehr-e-Ajam Mah-e-Arab

Kab sitara koi chamka samne khursheed ke Ho Nabi kaise naya Mehr-e-Ajam Mah-e-Arab

Aap hi ke noor se tabinda hain shams-o-qamar Dil chamak jaaye mera Mehr-e-Ajam Mah-e-Arab

Qabr ka har zarra ik khursheed-e-taban ho abhi Rukh se parda do hata Mehr-e-Ajam Mah-e-Arab

Kocha-e-purnoor ka har zarra rashk-e-mehr hai Wah kya kehna tera Mehr-e-Ajam Mah-e-Arab

Roosiya hoon munh ujala kar mera jaan-e-qamar Subh kar ya chandna Mehr-e-Ajam Mah-e-Arab

Nayyir-e-charkh-e-risalat jis ghari tale’ huwa Auj par tha ghalghala Mehr-e-Ajam Mah-e-Arab

Why Screenshot When You Can Download? Get the App for Efficient Storage!

Aap ne jab mashriq-e-anwar se farmaya tuloo Daman-e-shab phat gaya Mehr-e-Ajam Mah-e-Arab

Zulmat-e-shab mit gayi jab aap jalwa-gar huye Raat thi par din huwa Mehr-e-Ajam Mah-e-Arab

Tum ne maghrib se nikal kar ik qayamat ki bapa Kafiron par sarwara Mehr-e-Ajam Mah-e-Arab

Aftab-e-Hashmi tu gharb se tale’ ho phir Kar sawera noor ka Mehr-e-Ajam Mah-e-Arab

Haq ke pyare noor ki aankhon ke tare ho tumhein Noor-e-chashm-e-Anbiya Mehr-e-Ajam Mah-e-Arab

Zulf-e-wala ki sifat wallail hai Quran mein Aur rukh ki waduha Mehr-e-Ajam Mah-e-Arab

Zulmatein sab mit gayin nari se noori ho gaya Jis ke dil mein bas gaya Mehr-e-Ajam Mah-e-Arab

Zulmaton par zulmatein hain mere Maula qabr mein Ab tu apna munh dikha Mehr-e-Ajam Mah-e-Arab

Mehr farma mehr se isyan ki zulmat mahw kar Jalwa farma ho zara Mehr-e-Ajam Mah-e-Arab

Noor se mamoor ho jaaye mera seena agar Dil pe rakh de apna pa Mehr-e-Ajam Mah-e-Arab

Ik ishare se qamar ke tum ne do tukray kiye Marhaba sad marhaba Mehr-e-Ajam Mah-e-Arab

Noor ki sarkar hai to bheek bhi noori mile Qalb Noori jagmaga Mehr-e-Ajam Mah-e-Arab