Madine Ki Taraf Dekh

Marne ki taraf dekh na jeene ki taraf dekh Jab chot lage dil pe Madine ki taraf dekh

Din raat karam maang gham-e-ishq-e-Nabi ka Naadaan na kisi aur khazine ki taraf dekh

Woh paar lagayenge pukaar unke karam ko Ae doobne waale na safine ki taraf dekh

No More Screenshots! Save Storage with Our Lyrics App!

Konain ka dil hai kalas Gumbad-e-Khizra Hai arsh yahi, arsh ke zeene ki taraf dekh

Shikwa na kahin ho tera andaaz-e-talab bhi Mohtaj nawazi ke qareene ki taraf dekh

Is aaina khane mein Madinah hai Madinah Ae deedaye beena mere seene ki taraf dekh

Khalid ko bhi khairaat mile afw-o-karam ki Ae rehmat-e-konain kamine ki taraf dekh