Kyun Na Ho Bahar Lamha Justaju Madine Ki

Gham, tumaniyat-o-taskeen mein dhal jaate hain Jab karam hota hai haalaat badal jaate hain

Hum ko apni talab se siwaa chahiye Aap jaise hain waisi ata chahiye Kyon kahen yeh ata woh ata chahiye Aap ko ilm hai hum ko kya chahiye Aik qadam bhi na hum chal sakenge Hazoor Har qadam pe karam aap ka chahiye Aastaan-e Habib-e Khuda chahiye Aur kya hum ko us ke siwaa chahiye Aap apni ghulaami ki de den sanad Bas yehi izzat-o-martaba chahiye Apne qadmon ka dhoon ata kijiye Hum mareezon ko aab-e shifa chahiye Ishq mein aap ke hum tarapte to hain Har tarapte mein bilali ada chahiye Dard Jami mile naat Khalid likhoon Aur andaaz Ahmed Raza chahiye

apne daman-e shafa'at mein chhapaye rakhna mere sarkaar meri baat banaaye rakhna un ke ho jao har aik cheez unhein se maango apne daman mein na ehsaan paraye rakhna jab sawa nizay pe khurshid-e qiyamat aaye apni zulfon ke gunahgar pe saaye rakhna isi mansab ka talabgar hoon main bhi Aqa khak hoon main mujhe qadmon se lagaaye rakhna aur mujh ko na kisi gham mein rulaana ya Rab apne mehboob ke gham mein hi rulaaye rakhna main woh mangta hoon sada khaar mile jis ko phool kashkul mein kaanton ki bajaaye rakhna khud ko dhoonden na khair khud ko hamari aaye apni ulfat mein humein aisa gumaye rakhna aap ki yaad ne aabad kiya hai mujh ko banda parwar meri hasti ko basaaye rakhna Aankh uthaoon to nazar aap ka roza aaye Lauh dil par bhi yehi naqsh jamaaye rakhna main ne mana ke nakma hoon magar aap ka hoon mujh nakme ko bhi sarkar nibhaaye rakhna zarrah khak ko khurshid banane wale apne jalwon se maye dil ko basaaye rakhna shayad is rah se Khalid meray Aqa guzaarein apni palakon ko sar raah bachaye rakhna

Tajdaar-e Madinah ke jalwe jin ke dil mein samaye hue hain Door reh karo woh qurb-aashna hain dil Madinah banaaye hue hain Jin ko un ki tawajjuh ne paala, un ki rehmat ne jin ko nawaaza In gadon ka kya poochhte ho woh zamane par chhaaye hue hain Mere Aaqa ki jin pe nazar hai donon aalam ki un ko khabar hai Jin ka maqsood un ka hi dar-e-sare asraar paaye hue hain Aal-e-Athar ka sadaqa ata ho muflisi ka hamari bhala ho Ae sakhi aap ke dirham bhi daaman-e-dil bachaye hue hain Tees paron mein jo likha hai sar basar seerat-e Mustafa hai Un ki seerat mein jo dhal gaya hai us pe rehmat ke saaye hue hain Meri auqat kuch bhi nahi hai khud meri zaat kuch bhi nahi hai Mere Sarkaar ka yeh karam hai baat meri banaye hue hain Muskurate hain un ki gali mein chain paate hain un ki gali mein Woh dukhi jo muqaddar ke haathon chot par chot khaye hue hain Arzoo-e karam dil mein le kar Khalid un ke sakhi Astan par Aghniyaa awliyaa Asfiya sab apne kaase barhaaye hue hain

Tera jalwa pesh-e-nazar rahe tujhe dekh kar main jiya karoon Jahan koi tere siva na ho main usi fiza mein raha karoon

Main maili tan maila mera kirpa karo sarkar Paap ki gathri sar pe uthaye aaye tumre dwar