Kya Likhun Mein Bhala

Kya likhoon main bhala Rasulullah Aap ka martaba Rasulullah

Koi dikhla to de zamane mein Aap sa ba-ata Rasulullah

Khuli tafseer hai rafa'na ki Aap ka tazkira Rasulullah

Sara alam bana tumhare sabab Tum ho sab ki baqa Rasulullah

Tum na hote to kuch nahi hota Tum se hain do-sara Rasulullah

Na to paida hua na hoga kabhi Aap sa doosra Rasulullah

Sab ne tujh se suna kalam-e-Khuda Tu ne Rabb se suna Rasulullah

Wasl-e-Haq ke liye mila wallah Khoob ye silsila Rasulullah

Main Raza ka Raza tumhare hain Yun hua aap ka Rasulullah

Main Raza par fida Raza tum par Tum Habeeb-e-Khuda Rasulullah

Tum ko paya Khudaye-bartar se Tum se paya Khuda Rasulullah

Ma siwallah Haq Ta'ala ne Sab tumhein de diya Rasulullah

Sag-e-dar hukm ke khilaf kare Phir bhi do tum ghiza Rasulullah

Sab salateen-e-dahr dete hain Tere dar par sada Rasulullah

Badshahan-e-dahr par baitha Aap ka dabdaba Rasulullah

Mazhar-e-zat-e-Haq tumhari zat Haq ke tum aaina Rasulullah

Go ho zahir mein tum ba-shakl-e-bashar Par ho noor-e-Khuda Rasulullah

Tum mere badshah banda-nawaz Main tumhara gada Rasulullah

Sara alam tumhara parto hai Tum ho zill-e-Khuda Rasulullah

Sab hidayat ke aap ki mohtaj Aap hain rehnuma Rasulullah

Qudrat-e-Rabb ka aaina thehra Tera har mojaza Rasulullah

Anbiya dete hain Khuda ke huzoor Aap ka wasta Rasulullah

Hashr tak tum se faiz payenge Anbiya Awliya Rasulullah

Hum ghulamon pe hai tumhara fazl Tum pe fazl-e-Khuda Rasulullah

Bual-bashar kya ke sare alam ke Tum ho uqda-kusha Rasulullah

Sab tumhare huzoor faryadi Tum huzoor-e-Khuda Rasulullah

Haath khilqat ka mangne ke liye Teri janib utha Rasulullah

Paate Shams-o-Qamar hain lail-o-nahar Aap hi se ziya Rasulullah

Jaan nisaron ki sajda-gah kahoon Ya tera naqsh-e-pa Rasulullah

Tere dar pe maroon to aajaye Zindagi ka maza Rasulullah

Khak hai tere aastane ki Har marz ki dawa Rasulullah

Hai farishton ki aankh ka surma Aap ki khak-e-pa Rasulullah

Kalma La ilaha illallah Tum se zahir hua Rasulullah

Haq ki toheed ka do-alam mein Tum se danka baja Rasulullah

Deen-e-Islam kalma-e-toheed Tum se sab ko mila Rasulullah

Tum se Islam ki mili daulat Tum se imaan mila Rasulullah

Tum ne banta diya hua Rabb ka Sab tumhein se mila Rasulullah

Kya nazar aaye dil ke andhon ko Ikhtiyar aap ka Rasulullah

Tum jo chaho karo ke ho mukhtar Tum pe pyara Khuda Rasulullah

Tum ko Rabb ne kiya Samee-o-Baseer Hajat-e-arz kya Rasulullah

Tum ho waqif tamam ghaibon se Tum se kya hai chhupa Rasulullah

Zarra zarra na kyun ho tum pe ayan Rabb na tum se chhupa Rasulullah

Kya karoon arz tum pe zahir hai Haal sab kuch mera Rasulullah

Haan hamara bhi bakht chamka do Tum ho Shams-ud-Duha Rasulullah

Hai tu hi Qasim-e-hayat-o-mamat Dil-e-murda jala Rasulullah

Noor de qalb-o-chashm roshan kar Mere Badrud-Duja Rasulullah

Chashm-e-rehmat ke ik ishare se Aankh wala bana Rasulullah

Jidhar uthe nigah aaye nazar Tum ho jalwa-numa Rasulullah

Zat-e-aqdas mein apni karke fana Marhamat ho baqa Rasulullah

Tu hi tu mere qalb mein bas jaye Aisi de de fana Rasulullah

Mere qalb-o-dimagh mein Mawla Apni khushbu basa Rasulullah

Hum pe barsa do fazl ki barish Tum ho abr-e-sakha Rasulullah

Khol gaisoo ke teri ummat par Barse noori ghata Rasulullah

Apni rehmat se kijiye lillah Sunniyon ka bhala Rasulullah

Rehnumai karo ke mil jaye Aap ka rasta Rasulullah

Pesh-e-Rabb jis se hoon na sharminda Aisi de do haya Rasulullah

Bhar do kashkol mera rehmat se Tum ho bahr-e-ata Rasulullah

Al-madad al-madad pareshanam Fazl bar haal-e-ma Rasulullah

Bhar do jholi ke der se hai khada Aap ka be-nawa Rasulullah

Tum ko Qasim kiya hai Raziq ne Tum ne sab kuch diya Rasulullah

Rizq Rabb ka hai tum khilate ho Sare alam ko Ya Rasulullah

Tum ho mukhtar jis ko chaho do Naib-e-Kibriya Rasulullah

Tum siwa kaun hai zamane mein Mera hajat-rawa Rasulullah

Ba-tufail-e-Hussain kardo raha Hoon aseer-e-bala Rasulullah

Kaun bakhshaye ga baroz-e-jaza Hum ko tere siwa Rasulullah

Hai dua tere naam-e-nami par Ho mera khatma Rasulullah

Teri chaukhat pe dam nikal jaye Tere bande ka Ya Rasulullah

Bahr-e-taskeen haath rakh dije Mere dil par zara Rasulullah

Naz'a mein aur gor mein mujh ko Pyari soorat dikha Rasulullah

Pesh-e-Munkar-Nakeer mujh ko jawab Kardo talqeen Ya Rasulullah

Paar beda mera laga dije Aap hain nakhuda Rasulullah

Woh hai Munkar Khudaye-barhaq ka Jo hai munkir tera Rasulullah

Woh Jahannam ka ban gaya kunda Tujh se jo phir gaya Rasulullah

Jo tere doston se bughz rakhe Us pe qahr-e-Khuda Rasulullah

Jo tere dushmanon ko samjhe dost Us pe bijli gira Rasulullah

Jo ke Gangohi ki kare tareef Us ko andha utha Rasulullah

Thanwi ko jo peshwa jaane Us ko neecha dikha Rasulullah

Stop Wasting Storage - Download Lyrics in Lightweight Text Format!

Qadiani ko jo kahe momin Bhej us par bala Rasulullah

Peer-e-nature ko samjhe jo Muslim Khook us ko bana Rasulullah

In khabeeson ko jo kahe kafir Us pe fazl-e-Khuda Rasulullah

In shayateen pe jo kare laanat Us pe rehm-e-Khuda Rasulullah

Gandhwiya Wahabiya ke adu Chain payen sada Rasulullah

Mere ahbab-e-Ahlesunnat se Door kar har bala Rasulullah