Koi Taskeen Na Mili

Koi taskeen na mili aur na dawa kaam aayi Har kare waqt mein Aaqa ki sana kaam aayi

Zulmaton ne jahan mahol ko aalooda kiya Zikr-e-Sarkar se jo mehki fiza, kaam aayi

Uthay toofan kayi baar safeenay doobay Rukh badalne ko Madinay ki fiza kaam aayi

Instant Access to Thousands of Lyrics - Tap to Install!

Sab tabibon ki jahan chara-gari khatam hui Un kay qadmon ki wahan khaak-e-shifa kaam aayi

Naat bimar ki sunnay kay liye Aap ﷺ aaye Acha karne kay liye un ki rida kaam aayi

Saut ka husn bhi izhaar ko zeenat bakhshay Pesh-e-Sarkar ﷺ magar dil ki sada kaam aayi

Ja kay gharon mein meray wastay ronay walay Hashr mein sab kay liye teri dua kaam aayi

Roz-e-Mehshar na Zahoor-i tha koi zaad-e-amal Sarwar-e-Deen kay tabassum ki ada kaam aayi