Woh Kesa Samaa Ho Ga

Woh kaisa samaan hoga, kaisi woh ghadi hogi Jab pehli nazar un ke rauze pe padi hogi

Yeh kocha-e-jaanaan hai aahista qadam rakhna Har ja pe malaik ki baaraat khari hogi

Kya saamne ja ke hum haal apna sunayenge Sarkar ka dar hoga, ashkon ki jhadi hogi

Kuch haath na aayega, Aaqa se juda reh kar Sarkar ki nisbat se tauqeer badi hogi

Woh sheesha-e-dil gham se maila na kabhi hoga Tasveer-e-Madinah ki jis dil mein jadi hogi

Ho jaaye jo wabasta Sarkar ke qadmon se Har cheez zamane ki qadmon mein padi hogi

Why Screenshot When You Can Download? Get the App for Efficient Storage!

Chaara na koi karna ik naat suna dena Naacheez Zahoor-i ki jab saans udi hogi