Khuda Ne Iss Qadar

Khuda ne is qadr ooncha kiya paya Muhammad ka Na pehchana kisi ne aaj tak rutba Muhammad ka

Bahukm-e-Haq utarte hain farishtey khaas rehmat ke Kya karte hain jab ahl-e-sunan charcha Muhammad ka

Ta'ajjub kya agar insaan guzarey umar midhat mein Sana khwan hai do-aalam mein har ik zarra Muhammad ka

Siyah-karon ki kya ginti ki dargah-e-Ilahi mein Waseela dhoondte hain Hazrat-e-Musa Muhammad ka

Adeem-ul-misl-o-lasani hai woh zaat-e-mubarak yun Banaya hi nahin Allah ne saya Muhammad ka

Barhi jab zulmat-e-kufr-o-zalalat bazm-e-dunya mein Toh roshan kar diya Allah ne ika Muhammad ka

Kisi terak ko us ka kinara mil nahin sakta Ki jaari bahr-e-wahdat se hua chashma Muhammad ka

Shahanshah-e-Madinah badshah-e-haft kishwar hai Hawa Allah ki har shay pe hai qabza Muhammad ka

Tasaduq aisi rif'at par ki barson qabl dunya mein Sunate aaye muzdah Hazrat-e-Isa Muhammad ka

Nirali pyari pyari roshni hai shama-e-bari mein Ki hai sara zamana dil se parwana Muhammad ka

Madine ke muqaddar arsh ki taqdeer par qurbaan Kahan qismat ki is dil mein ho kashana Muhammad ka

Rafa'na ka rakha hai taj sar par Haq Ta'ala ne Pharera arsh-e-a'azam par ura kis ka Muhammad ka

Na kyonkar mushk-o-ambar mast hon gesu ki khushbu se Ki Haq ka dast-e-qudrat ho gaya shana Muhammad ka

Alam nashrah laka sadrak se yun aawaz aati hai Kushada kar diya Allah ne seena Muhammad ka

Baseerat Haq ne di hai jin ki aankhon ko woh kehte hain Hai roshan mehr-o-mah se barh ke har zarra Muhammad ka

Kharabi aankh ki hai gar na dekhey un ke jalway ko Ki aalam mein kisi se bhi nahin parda Muhammad ka

Bila wasl-e-Nabi wasl-e-Ilahi ghair mumkin hai Khuda ke ghar pohanchne ko hai darwaza Muhammad ka

Gunahgaron ki is se mushkilen aasan hoti hain Na kyonkar sab se barh kar naam ho pyara Muhammad ka

Nahin hai jo ghulam-e-Mustafa banda hai shaitan ka Wohi hai bandah-e-Haq jo hua banda Muhammad ka

Your Lyrics, Even Offline - Install the App for Free!

Jameel Qadri aisi suna rangeen ghazal koi Ki be-khud ho yahan har ek mastana Muhammad ka