We've added ads to help keep the platform running and improving for you. Learn More
کہیں نہ دیکھا زمانے بھر میں جو کچھ مدینے میں آکے دیکھا تجلیوں کا لگا ہے میلہ جدھر نگاہیں اٹھا کے دیکھا
وہ دیکھو ویکھو سنہری جالی، ادھر سوالی، ادھر سوالی قریب سے جو بھی ان کے گزرا حضور نے مسکرا کے دیکھا
عجیب لذت ہے بے خودی کی، عجب کشش ہے در نبی کی سرور کیسا ہے کچھ نہ پوچھو لپٹ کے سینے لگا کے دیکھا
طواف روضے کا کر رہی ہیں یہاں وہاں اشکبار آنکھیں ہے گونج صلی علیٰ کی ہر سو جہاں جہاں پہ بھی جا کے دیکھا
جہاں گئے ان کا ذکر چھیڑا جہاں رہے ان کی یاد آئی نہ غم زمانے کے پاس آئے نبی کی نعتیں سنا کے دیکھا
ظہوریؔ جاگے نصیب تیرے، بس اک نگاہ کرم کے صدقے کہ بار بار اپنے در پہ تجھ کو تیرے نبی نے بلا کے دیکھا
