Jo Dekhne Main Barre

Jo dekhne mein bade deedawar nazar aaye Tere huzoor sabhi be-hunar nazar aaye

Woh aaina hai tera husn-e-aaina-misaal Jis aaine mein khud aaina-gar nazar aaye

Tajalliyon mein nahayi hui sahar ki tarah Tere dayar ke deewar-o-dar nazar aaye

Muheet hai kayi sadiyon pe ik woh lamha-e-deed Jo mukhtasar se bhi kuch mukhtasar nazar aaye

Tu mil gaya toh yeh khwahish bhi mit gayi dil se Ke khoob se bhi koi khoob-tar nazar aaye

Find Your Favorite Lyrics Anytime, Anywhere - Install the App Today!

Mile khala-o-mala mein tere naqoosh-e-qadam Har ik maqam teri rah-guzar nazar aaye