Jo Dekhne Main Barre

جو دیکھنے میں بڑے دیدہ ورنظر آۓ ترے حضور سبھی بے ہنر نظر آۓ

وہ آئینہ ہے ترا حسن آئینہ مثال جس آئینے میں خود آئینہ گرنظر آۓ

تجلّیوں میں نہائی ہوئی سحر کی طرح ترے دیار کے دیوار و در نظر آۓ

محیط ہے کئی صدیوں پہ اک وہ لمحہ دید جومختصر سے بھی کچھ مختصرنظر آۓ

تو مل گیا تو یہ خواہش بھی مٹ گئی دل سے کہ خوب سے بھی کوئی خوب ترنظرآۓ

ملے خلا و ملا میں ترے نقوش قدم ہر اک مقام تری رہ گزر نظر آۓ