Jis Ko Unke Karam Ne Pala Hai

جس کو ان کے کرم نے پالا ہے وہ تو ادنیٰ کہاں ہے اعلیٰ ہے

دستِ قدرت نے آپ ڈھالا ہے اُن کا انداز ہی نرالا ہے

قرب مانگے رسول اکرم کا جس کا مقصود حق تعالیٰ ہے

بھیک پاتے ہیں جو مدینے سے ان فقیروں کا بول بالا ہے

جرم عصیاں مرے چھپاۓ گا زلفِ وللیل کا جو ھالا ہے

حق نظر آیا میرے آقا نے جامِ دیدار جب اچھالا ہے

Get Lyrics On-The-Go! Download Our App Now!

آپ کے در سے کون خالی گیا آپ نے کب کسی کو ٹالا ہے

وہ سمجھتا ہے آپ کیا کیا ہیں جس نے قرآن دیکھا بھالا ہے

اُن کا جلوہ تو ہر جگہ ہےمگر دیکھتا ہے جو آنکھ والا ہے

کیوں نہ روشن ضمیر ہوں ہم بھی دل میں جب آپ کا اجالا ہے

مصطفیٰ کے کرم نے اے خالدؔ پستیوں سے ہمیں نکالا ہے