We've added ads to help keep the platform running and improving for you.

Ilaj e Gardish e Lail o Nahar Tu Ne KiyaNot Verified

Ahmed Nadeem Qasmi

علاج گردشِ لیل و نہار تُو نے کیا غبارِ راہ کو ُچھو کر بہار تُو نے کیا



No More Screenshots! Save Storage with Our Lyrics App!

Get it on Google Play


ہر آدمی کو تشخص ملا ترے دم سے جو بے شمار تھے ، ان کو شمار تو نے کیا


اٹھا کے قعر مذلت سے ابن آدم کو وقار تو نے دیا ، باوقار تو نے کیا


کوئی نہ جن کی سنے اُن کی بات تو نے سنی ملا نہ پیار جنہیں ، اُن سے پیار تو نے کیا


اگر غریب کو بخشے حقوق لامحدود تو قصرِ شاہ کو بھی بے حصار تو نے کیا


جنہیں گماں تھے بہت ، اپنی سرفرازی کے بہ یک نگاہ انہیں ، خاکسار تو نے کیا


دل و دماغ کے سب چاند ہو چکے تھے غروب یہ وہ افق ہے ، جسے تاب دار تو نے کیا


جمال قول و عمل ہو کہ حسن صدق و صفا خدا نے جو بھی دیا ، پائیدار تو نے کیا


جب اُن کے نطق کو پہنچی ، ترے یقین کی آنچ جو بے زباں تھے ، انہیں شعلہ بار تو نے کیا


یہ لطف غالبؔ و اقبالؔ تک نہیں محدود ندیمؔ کو بھی صداقت نگار تو نے کیا

Get Lyrics On-The-Go! Download Our App Now!

Get it on Google Play

midhah-logo-grey© 2026 Midhah