Ik Roz Hoga Jana Sarkar Ki Gali Main

Aik roz ho ga jana sar-kaar ki gali mein Hoga kabhi thakaanah sar-kaar ki gali mein

Aankhen to dekhne ko pehle hi muttarib thin Dil bhi hua rawana sar-kaar ki gali mein

Go paas kuch nahi hai lekin yeh dekh lega Aik din mujhe zamana sar-kaar ki gali mein

Kabhi ho haseen tasavvur kabhi khud mein jaaun chal kar Rahe yun hi ana jana sar-kaar ki gali mein

Hain kahin khazaan ke pehrein kahin do ghari bahaarain Mausam sada sahaana sar-kaar ki gali mein

Why Screenshot When You Can Download? Get the App for Efficient Storage!

Dil mein Nabi ki yaadein lab par Nabi ki naatein Jana to aise jana sar-kaar ki gali mein

Yahi rasm aashqi hai yahi jaan-e bandagi hai Sar rakh ke nah uthana sar-kaar ki gali mein

Samjhenge hum Niazi un ki karam-nawazi Jis din hoey rawana sar-kaar ki gali mein