Haq Numa Haq Sifaat

حق نما حق صفات آپ کی ذات شاہکار حیات آپ کی ذات

خالق کائنات ذات خدا مقصد کائنات آپ کی ذات

شرح تہذیب ایک ایک عمل روحِ اخلاقیات آپ کی ذات

شرق و غرب آپ کے نشانِ قدم جہت شش جہات آپ کی ذات

جزوِ ایماں مطالعہ جس کا دیں کی وہ کلیات آپ کی ذات

حیرت انگیز آپ کا معمول مظہر معجزات آپ کی ذات

ہر صدی آپ کے جلو میں چلے ہر زمانے کے ساتھ آپ کی ذات

جس کی تائید تا ابد ہوگی وہ ثبوت ثبات آپ کی ذات

No Internet? No Problem! Get the App for Offline Lyrics!

میرا منشور میرا پیمانہ آپ کی بات آپ کی ذات

کیا مظفر ہو عاقبت کی فکر میری وجہ نجات آپ کی ذات