Hamd Hai Uss Ki Zaat Ko

Hamd hai us zaat ko jis ne musalman kardiya Ishq-e-Sultan-e-Jahan seena mein pinhaan kardiya

Jalwa-e-zaiba ne aaine ko hairan kardiya Mehr-o-mah ko un ke talwon ne pashemaan kardiya

Ae Shah-e-Lau-laak teri aafreenish ke liye Haq ne lafz-e-kun se paida saaz-o-samaan kardiya

Kya kashish thi Sarwar-e-Aalam ke husn-e-paak mein Saikron kuffar ko dam mein musalman kardiya

Hogayi kafoor zulmat dil munawwar hogaye Jis taraf bhi us ne apna ru-e-taabaan kardiya

Niamat-e-konain de kar un ke dast-e-paak mein Dono aalam ko Khuda ne un ka mehman kardiya

Yaad farma kar qasam Haq ne zameen-e-paak ki Khaak-e-na'l-e-Mustafa ko taaj-e-shahaan kardiya

Door hi se sabz gumbad ki jhalak ko dekh kar Aashiqon ne tukre tukre jaib-o-damaan kardiya

Us Arab ke chaand ka jalwa mujhe darkaar hai Jis ne har zarre ko apne maah-e-taabaan kardiya

Saikron murda dilon ko noor-e-imaan baksh kar Zinda-e-jaweed ae Isa-e-dauraan kardiya

Free Up Space - Get Lyrics Without Bulky Screenshots!

Girya-o-zaari ne raaton ko teri abr-e-karam Misl-e-gul subh-e-qayamat hum ko khandaan kardiya

Ya RasoolAllah aghisni waqt hai imdaad ka Nafs-e-kaafir ne mujhe be-had pareshan kardiya

Teri nusrat aise naazuk waqt mein haami rahe Najdiyon ne ya Nabi laakhon ko shaitan kardiya

Hai Jameel Qadri par fazl-e-Allah-o-Rasool Tera murshid Hazrat-e-Ahmad Raza Khan kardiya