Hai Teri Inayaat Ka Dera

Hai teri inayaat ka dera mere ghar mein Sab tera hai kuch bhi nahi mera mere ghar mein

Jaaga teri nisbat se ye tareek muqaddar Aaya tere aane se sawera mere ghar mein

Midhat ne teri mujh ko ye aizaaz diya hai Hai saare ujaalon ka basera mere ghar mein

Darwaze pe likha hai tera ism-e-girami Aata nahi bhoole se andhera mere ghar mein

Seerat ne teri jeene ka andaaz sikhaya Midhat ne teri noor bakhera mere ghar mein

Why Screenshot When You Can Download? Get the App for Efficient Storage!

Andaaz dar-o-baam ke kuch aur hi honge Jis roz qadam aa gaya tera mere ghar mein

Khalid ye karam naat-e-Muhammad ﷺ ka hai mujh par Sab kuch ye ehsaan tera mere ghar mein