Hai Dil Ko Teri Justaju

Hai dil ko teri justuju Ghous-e-Azam Zabaan par teri guftagu Ghous-e-Azam

Free Up Space - Get Lyrics Without Bulky Screenshots!

Tera zikr gulshan mein bulbul ke lab par Gulon mein tera rang-o-bu Ghous-e-Azam

Nazar mein koi khubru kya samaye Basa meri aankhon mein tu Ghous-e-Azam

Hain suraj agar Mustafa chand hai tu Hain jalwe tere char su Ghous-e-Azam

Laga zakhm tegh-e-ma'asi ka dil par Tu rehmat se karde rafu Ghous-e-Azam

Madad kar main hoon na-tawan aur tanha Hain a'da bahut jangju Ghous-e-Azam

Qawi kar qawi mujhko de aisi quwwat Ke ho sar-nigoon har adu Ghous-e-Azam

Amal puche jate hain mujhse lahad mein Tere haath hai aabru Ghous-e-Azam

Tufail-e-Husain-o-Hasan laaj rakh le Tere haath hai aabru Ghous-e-Azam

Hisab-o-kitab aur mera haath khaali Tu aa ja mere rubaru Ghous-e-Azam

Na mujh sa koi teera-dil pur-ma'asi Na tujh sa koi mah-ru Ghous-e-Azam

Nakirain ab mujhse jo chaho pucho Ke aaye mere rubaru Ghous-e-Azam

Khuda jaane kya haal hota hamara Na hota agar sar pe tu Ghous-e-Azam

Bacha le ghulamon ko bahr-e-Payambar Chali kufr-o-bid'at ki lau Ghous-e-Azam

Khuda ki qasam mere dil mein bhari hai Teri deed ki aarzu Ghous-e-Azam

Milein ab to Baghdad ki mujhko galiyan Main kab tak phirun ku-ba-ku Ghous-e-Azam

Jameel apne murshid ke qurban jaaun Ke woh gul hain aur un mein bu Ghous-e-Azam