Ehl e Sirat Rooh e Ameen

اہلِ صِراط رُوحِ امیں کو خبر کریں جاتی ہے اُمّتِ نبوی فرش پر کریں

اِن فتنہ ہائے حشر سے کہدو حَذَرْ کریں نازوں کے پالے آتے ہیں رہ سے گزر کریں

بد ہیں تو آپ کے ہیں بھلے ہیں تو آپ کے ٹکڑوں سے تو یَہاں کے پلے رُخ کِدھر کریں

سرکار ہم کمینوں کے اطوار پر نہ جائیں آقا حضور اپنے کرم پر نظر کریں

Never Be Without Your Favorite Lyrics - Get the App for Offline Access!

ان کی حرم کے خار کشیدہ ہیں کس لئے آنکھوں میں آئیں سر پہ رہیں دِل میں گھر کریں

جالوں پہ جال پڑ گئے لِلّٰہ وقت ہے مشکل کشائی آپ کے ناخن اگر کریں

منزل کڑی ہے شان تبسّم کرم کرے تاروں کی چھاؤں نور کے تڑکے سفر کریں

کلکِ رضا ؔ ہے خنجرِ خونخوار برق بار اعدا سے کہدو خیر منائیں نہ شر کریں