Dushman Hai Galay Ka Haar

Dushman hai gale ka haar Aaqa Lutti hai meri bahaar Aaqa

Tum dil ke liye qaraar Aaqa Tum raahat-e-jaan-e-zaar Aaqa

Tum arsh ke taajdaar Maula Tum farsh ke ba-waqaar Aaqa

Daman daman hawa-e-daman Gulshan gulshan bahaar Aaqa

Bande hain gunehgaar bande Aaqa hai karam-shiaar Aaqa

Is shaan ke hum ne kya kisi ne Dekhe nahin zeenhaar Aaqa

Bandon ka alam ne dil dikhaya Aur ho gaye be-qaraar Aaqa

Aaram se soyen hum kamine Jaga karen ba-waqaar Aaqa

Aisa toh kahin suna na dekha Bandon ka uthayein baar Aaqa

Jin ki koi baat tak na puche Un par tumhein aaye pyaar Aaqa

Pakeeza dilon ki zeenat-e-imaan Imaan ke tum singaar Aaqa

Sadqa jo bate kahin salateen Hum bhi hain ummeed-waar Aaqa

Chakra gayi nau be-kason ki Aana mere gham-gusaar Aaqa

Allah ne tum ko de diya hai Har cheez ka ikhtiyar Aaqa

Hai khaak pe naqsh-e-pa tumhara Aaina-e-be-ghubaar Aaqa

Aalam mein hain sab bani ke saathi Bigri ke tumhein ho yaar Aaqa

Sarkar ke taajdaar bande Sarkar hain taajdaar Aaqa

De bheek agar jamal-e-rangeen Jannat ho mera mazaar Aaqa

Aankhon ke khandar bhi ab basa do Dil ka toh hua waqaar Aaqa

Imaan ki taak mein hai dushman Aao dam-e-ihtizaar Aaqa

Ho shama-e-shab-e-siyah bakhtan Tera rukh-e-noor baar Aaqa

Tu rahmat-e-be-hisab ko dekh Jurmon ka na le shumaar Aaqa

Deedaar ki bheek kab bate gi Mangta hai ummeed-waar Aaqa

Bandon ki hansi khushi mein guzre Is gham mein hoon ashk-baar Aaqa

Aati hai madad bala se pehle karte nahin intezar Aaqa Saya mein tumhare donon aalam

Tum saya-e-kardgaar Aaqa Jab fauj-e-alam kare charhai

Ho auj-e-karam hisaar Aaqa Har milk-e-Khuda ke sacche maalik

Instant Access to Thousands of Lyrics - Tap to Install!

Har mulk ke shahryaar Aaqa Maana ke main hoon zaleel banda

Aaqa tu hai ba-waqaar Aaqa Tute hue dil ko do sahara

Ab gham ki nahin sahar Aaqa Milti hai tumhein se daad dil ki

Sunte ho tumhein pukaar Aaqa Teri azmat woh hai ke tera

Allah kare waqaar Aaqa Allah ke lakhon karkhane

Sab ka tumhein ikhtiyar Aaqa Kya baat tumhare naqsh-e-pa ki

Hai taaj-e-sar-e-waqaar Aaqa Khud bheek do khud kaho bhala ho

Is dain ke main nisaar Aaqa Woh shakal hai woh ada tumhari

Allah ko aaye pyaar Aaqa Jo mujh se mujhe chupaye rakhe

Woh jalwa kar aashkaar Aaqa Jo kehte hain be-zuban tumhare Gungon ki suno pukaar Aaqa Woh dekh le Karbala mein jis ne Dekhe na hon jaan-nisaar Aaqa

Aaram se shash-jahat mein guzre Gham dil se na ho do-chaar Aaqa

Ho jaan-e-Hasan nisaar tujh par Ho jaaun tere nisaar Aaqa