Dil Ke Hira Mein Apne Khuda Se

دل کے حرا میں اپنے خدا سے تیرے سوا کچھ بھی تو نہ مانگا تو مرا اول تو مرا آخر تو مرا ملجا تو مراماویٰ

Get Lyrics On-The-Go! Download Our App Now!

بعد خدا اِک تو ہی سہارا گِھر گیا میں تنہا بے چارا چار طرف تاریخ کا جنگل تاک میں اپنے گھات میں اعدا

کتنے صحیفے میں نے کھنگا لے نصف اندھیرے نصف اُجالے تو ہی حقیقت تو ہی صداقت باقی سب کچھ صرف ہیولیٰ

یوں تو ہزار سیانے آئے روح کا دشت بسانے آئے تیری گھٹا صحراؤں پہ امڈی ابر اُن کا دریاؤں پہ برسا

بت خانے حیران کھڑے ہیں بت تیرے قدموں میں پڑے ہیں تیرے جمال کی زد میں آکر کیسا کیسا پتھر ٹوٹا

تو نے دیا مفہوم نمو کو 'تو نے حیات کو معنی بخشے تیرا وجود اثبات خدا کا تو جو نہ ہوتا کچھ بھی نہ ہوتا