Dil Jhoom Utha Aur Chalne Lagi Rehmat Ki Hawa Subhan Allah

دل جھوم اٹھا اور چلنے لگی رحمت کی ہوا سبحان اللہ مائل بہ کرم وہ آہی گۓ جب یاد کیا سبحان اللہ

نادار کی بخشش کا ساماں ہر غم کی دوا دکھ کا درماں اس چشمِ کرم کی اک جنبش اے صل علیٰ سبحان اللہ

اپنوں کے لیےبھی رحمت کل غیروں کےلیےبھی ہادیء سبل ہے نورِ مجسم کی پیاری ہرایک ادا سبحان اللہ

جب کثرتِ غم سے گھبرا کر ہم سوۓ مدینہ تکتے ہیں فریاد سے پہلے سنتے ہی سرکار صدا سبحان اللہ

ہم جیسے نکموں پرانکی ہے کتنی عنایت روز افزوں ہرحال میں ہیں ہم محوِ خطا وہ محوِ عطا سبحان اللہ

یہ اوج وشرف افلاک ہدف حیران ہیں سب اسلاف وخلف قوسین کاوہ قرب کامل یہ اَوج دنیٰ سبحان اللہ

سرکار کےدرپراے خالدؔ تکرارِ دعا کا ذکر ہی کیا اللہ غنی اس در پہ دؑا ہے قصدِ دعا سبحان اللہ