Damak Rahi Hai Mehak Char Su

دمک رہی ہے مہک چار سُو مدینے کی چھڑی ہوئی ہے کہیں گفتگو مدینے کی

دلوں کا چین بھی ہے روح کا قرار بھی ہے نہ پوچھ چیز ہے کیا آرزو مدینے کی

نبی کی نسبتیں ہیں ساری عظمتوں کا سبب نبی کی ذات سے ہے آبرو مدینے کی

قدم حضور کے آۓ تو رحمتیں آئیں وگرنہ کچھ بھی نہ تھی آبرو مدینے کی

طوافِ عظمت کعبہ بھی کررہی ہے وہاں خدا ہی جانے ہےکیا آبرو مدینے کی

تڑپتے دل کو قرار آگیا خدا کی قسم کسی نے چھیڑ دی جب گفتگو مدینے کی

Instant Access to Thousands of Lyrics - Tap to Install!

ضرور تم کو بلائیں گے رحمت عالم خلوصِ دل سے کرو آرزو مدینے کی

نفس نفس میں مدینے کی یاد بس جاۓ قدم قدم پہ رہے جستجو مدینے کی

کچھ اور حسن کی بڑھ جاۓ آبرو خالدؔ جو خاک منہ پہ ملیں خوبرو مدینے کی